“Islam kay sachey ‘Ulama kaun hain?”- is topic ki waja meray mutaabiq

Assalamoalaikum bhaayoun aur bhenoun,

Inshalllah, mera naya project is aik sawaal ka jawaab denay ki koshish karey ga jo key beintiha zaroori hai, aik aisa sawaal jo key shayid hur musalmaan aaj kal phoochta hai.  Jab bhi koi dou musalmanoun mein ikhtalaaf kissi deeni cheez pey hota hai, to Quran wa’jey hummey yeh batata hai k us maamley ko Quran aur Sunnat k paas waapis lei ker jao taakey tumhey uska hul miley. Allah ‘taala farmaatey hain Quran majeed mein,

“Aei iman waaloun! farmaan-bardari  karo Allah ta’ala ki aur farmaan-bardari karo rasool (sal-Allahu-alaihi-wasallam) ki aur tum mein sei ikhtiyaar waloun ki. Phir agar kisi cheez mein ikhtilaaf karo to ussey lawtaou Allah ta’ala ki taraf aur rasool ki taraf, agar tumhey Allah ta’ala pur aur qiyaamat k din pur imaan hai, yeh bahut behtar hai aur ba’itebaar anjaam key bahut acha hai (surah nisaah, ayah 59)”

To phir is ayah sey yeh waazey hai k agar hum logoun mein koi ikhtilaaf ho to hum Quran aur Sunnat ki madud haasil karein.  Aur yeh baat bhi bahut waazey hai k hum jaisey logoun k paas itna ‘ilm nahi k yeh kaam khud ker sakein, to phir hum pey yeh laazim hota hai k hum unlogoun sey madud lein k jinkey paas yeh ‘ilm hai, kiyoun key Allah ney rasool (sal-Allahu-alaihi-wasallam) ko bhi huqm diya tha, k ager tum (muhammed) nahi jaantey to phir unsey poocho jo jaantey hain. Allah (az’ajawal) farmatey hain,

“Tujhsey (Muhammad) pehley bhi jitney pegambur hum ney bhejay sab hi murd thei jinki taraf hum wahi utaar tey thei, pus tum ahle-kitaab sey phooch lo agar khud tumhey ‘ilm na ho (surah anbiya-ayah 7)”

To ab humein yeh pata hai k ikhtilaaf k dowrein(during) hummey Quran aur Sunnat sey madad leni hai aur agar hum ‘ilm nahi rakhtey to unsey phoochna hai jo yeh ‘ilm (shariyat ka ‘ilm) jaantey hain, aur issi jaga subsey ziyada muskilaat hotin hain. Is ummat mein aaj kal itney firqeh aur itney ikhtilifaat ho gaye hain k dono jamaatoun ko aik ‘ulama pey rujou kerna na-mumkin sa hogaya hai. Aur theek yehi problem ka hul dhoondney k liye menay yeh project kernay ka socha hai, aur inshallah hum apney maqsad mein qamyaab hongey kiyoun k hamari niyatein saaf hain. Aur fikr karney ki zaroorat nahi kiyoun key mein apni taraf sey kuch nahi boloun ga kiyoun k abhi humney yeh teh kiya hai k meray paas ilm k dariya ka aik boond bhi nahi.

Aakhir mein bus itna kehna chahoun ga, key hummey yeh maloom kerna k “kaun hain woh sachey ‘Ulama?” beintiha zaroori hai taakey hum unsey seekh sakhein sacha islam aur jo seekha hai uspey amal ker sakein, inshallah.  Is silsilay mein, inshallah, mein kaafi posts karoun ga kiyoun aik lamba posts sey acha hai k iss badey topic ko chotey hissoun mein baath ker pesh kiya jaye. Inshallah chotein hissey hongey:  “Ta’aruf”, ” ‘ilm ka matlab”, “shariyat ka ‘ilm”, ” ‘ilm ka fayida aur ahmiyat”, ” ‘Ulamayoun ka darja”, “…………….., aur aakhri “Woh log jinsey hummein ‘ilm lena chahiye”

Mein Allah sey duah kerta houn k woh humko ikhlas dei taakey yeh saara kaam hum sirf USSI k liye ker sakein aur yeh duah kerta houn k WOH is koshish ko aik zariya bana dei k jissey hum USKEY qareeb aa sakein.

AMEEN

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: