Mein kiyoun padhoun Allah ka sacha deen?

Mein kiyoun padhoun? 

Bahut saaloun pehley, Uzbekistan mein aik andha bacha paida hua. Us bachey ki ammi aik muminaa theen aur usko hamesha Allah pey bharosa tha k Wohi Aik hai jo uskey bachey ki aankh ki roshni waapis lauta sakta hai. Us maa ney bahut duayein karin apney betay ki aankhoun ki roshni k liye, aur beshak kuch saaloun baad us bachey ko uski aankhen waapis mil gayein.

Woh maan widwaa ho chuki thi, aur uska bacha anaath. Woh apney bachey ko lekar chali gayi Makkah taakey uska beta islami taaleem haasil kersakey. Usney jiddo-jehd kerkay apney bachey ko ulamayoun ka halaqaat mein shaamil kerwaya, aur uni halqayoun mein us bachey ney hadeeth ki science mein kamyaabi haasil kari. Us bachey ney bahut dur dur jaa ker Allah key Rasool (salallahu-alaihi-wasallam) ki hadeethoun ko dhooonda. Koi bhi hadeeth ko apnaney sey pehley woh hamesha 2-rikat nafil padhta tha. Uski maa ney uska naam Muhammad ibn Is’mail rakha. Aur hum is bachey ko inhin hadeethoun, aur unpey jo kitabein usney likhi, uski waja sey jaantey hain. Aur is bachey ney woh kitaab likhi jo Quran key baad hamaari aankhoun mein sabsey saheeh hai, aur us kitaab ka naam hai Saheeh Al-Imam Al-Bukhari!

Aik aur jagaa, aik aur waqt mein; Baghdad ki thandi huwayein aik aur bachey ko neend sey utha deti theen. Fajr sey bahut pehley, uski maa us bachey ko garam shawl mein lapeit ker usko raat ke andherey mein masjid tak lei ker jaati thi taakey woh sahi salaamat masjid tak pohonch jaye. Fajr key baad woh bacha us zamaney ka subsey badey ulemaoun ko hadeethein sunata tha. Phir, jub sooraj ki roshni kaafi waazey ho jati thi to woh maa apney betay ko masjid k bahir milti thi aur phir dono saath ghar jaatey thei. Woh aik bahut hi mazboot aurat thi, ismey koi shak nahi, kiyoun key uski jiddo-jehd sey uska bacha muslim ummat ka aik bahut bada imaam bana. Aik aisa imaam jiska naam tha Ahmad ibn Hanbal.

Meray piyaarey bhaiyoun aur bhenoun, hummein kiyoun koshish kerni chahiye k hum in dono mashoor Islam key sitaroun ki raah per chalein? Kiyoun key jo ‘ilm aap inshallah haasil karein gey woh ‘ilm bahut anokha hai. Yeh ‘ilm hai Allah ki shariyat ka aur yeh jaidaad hai Uskey nabi (salallahu-alaihi-wasallam) ki. Aur yeh humaara farz hai k hum is jaidaad ko mehfooz aur hur burayi sey dur rakhein, lekin yeh us waqt tak na-mumkin hai jub tak hummey aisey sanjeeda bhai aur bhenain na milein jo din raat ‘ilm haasil kerain.  Aur yeh ‘ilm ka matlab hai ussey padhna, ussey samajhna, aur phir ussey doosroun ko sikhaana.

Aye Allah hum logoun ko unmein shaamil kar jinkey paas ikhlaas hai, aur woh jo is deen ki hifaazat kertay hain aur jo huzoor ki jaidaad(shariyat ka ‘ilm) ko haasil kertay hain, ameen!

Written by: Ilm Seeker

Source: Manaaqib Ahmad, by Ibn Al-Jawzee

Transliterated into urdu: Sarmad Abedin

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: